15.09.2026 | 16:11
Վարդան Ղուկասյանն ասել ա՝ «Ով միութենական պետությանը դեմ ա, թրքահպատակ շան տղա ա»․ Վահագն Ալեքսանյան․ ՏԵՍԱՆՅՈՒԹ
Լեռնային Ղարաբաղի հարցում վերջին ժամանակաշրջանում հետընթաց ենք տեսել․ Պետդեպարտամենտ
Քաղաքականություն
19.01.2023 | 11:39
Լեռնային Ղարաբաղի հարցում վերջին ժամանակաշրջանում հետընթաց ենք տեսել։ Այս մասին հայտարարել է ԱՄՆ Պետդեպարտամենտի մամուլի ծառայության ղեկավար Նեդ Փրայսը կայացած ճեպազրույցի ժամանակ։ Վերջինս նաև տեղեկացրել է, որ ԱՄՆ Պետքարտուղար Էնթոնի Բլինքենը առաջիկա օրերին հեռախոսազրույց կունենա Ադրբեջանի նախագահ Իլհամ Ալիևի հետ։
Լրագրողի այն հացին, թե արդյոք ԱՄՆ պատրաստվում է նոր բանակցություններ նախաձեռնել, Փրայսը պատասխանել է․
«Մենք պատրաստվում ենք անել այն, ինչ առավել օգտակար կլինի։ Անցած տարեվերջին ևս մի քանի հանդիպումներ եղան, որոնք քարտուղարը միջնորդեց Հայաստանի և Ադրբեջանի միջև: Մենք դա արեցինք Բլեր Հաուսում: Մենք դա արեցինք Նյու Յորքում: Վերջին ժամանակաշրջանում մենք տեսել ենք հետընթաց, երբ խոսքը վերաբերում է Լեռնային Ղարաբաղին: Մենք ցանկանում ենք վերականգնել կառուցողական երկխոսությունը։ Մենք պատրաստ ենք համագործակցել ինչպես գործընկերների հետ , այնպես էլ նրանց միջոցով, ԵԱՀԿ-ի միջոցով կամ, եթե և երբ տեղին է, եռակողմ ձևաչափով, ինչպես դա արել ենք անցյալում»,-հայտարարել է Փրայսը՝ չմանրամասնելով, թե ինչ ձևաչափով են նախապատրաստվում բանակցություններ:
Տաթև Ֆռանգյան
