16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
ԱՄՆ-ը զինամթերք կուղարկի Ուկրաինա Իսրայելի զինանոցներից. NYT
Քաղաքականություն
18.01.2023 | 22:43
Միացյալ Նահանգները որոշել է օգտագործել Իսրայելում գտնվող սպառազինության իր զինանոցը՝ ուկրաինական բանակին հրետանային արկեր մատակարարելու համար։ Այս մասին գրում է The New York Times-ը։
Պարբերականի տվյալներով՝ ԱՄՆ-ը զգալի քանակությամբ զինամթերք է կուտակում Իսրայելում։ Դրանք նախատեսված են ԱՄՆ բանակի կողմից Մերձավոր Արևելքում գործողությունների ժամանակ օգտագործելու համար։ Այս զինանոցը Իսրայելը կարող է օգտագործել նաև արտակարգ իրավիճակներում։
Իսրայելում զինանոցից արկեր օգտագործելու որոշման պատճառ է դարձել ԱՄՆ-ում և եվրոպական երկրներում զինամթերքի արտադրության անբավարար մակարդակը, գրում է The New York Times-ը։
Պարբերականի տվյալներով՝ ուկրաինական զինված ուժերն ամսական օգտագործում են շուրջ 90 հազար հրանոթ՝ երկու անգամ ավելի, քան ներկայում արտադրվում է Արևմուտքի ռազմական գործարաններում։
Արտադրությունն ավելանում է, բայց աստիճանաբար։ Մինչդեռ ԱՄՆ-ը խոստացել է Ուկրաինային մատակարարել ավելի քան մեկ միլիոն 155 մմ տրամաչափի արկեր։ Դրանցից 300 հազարն Ուկրաինային կմատակարարվի Իսրայելի զինանոցից, ասվում է հոդվածում։
The New York Times-ի տվյալներով՝ Պենտագոնն ուկրաինական բանակին զինամթերք է մատակարարում նաև Հարավային Կորեայում գտնվող զինամթերքի իր պահեստներից։
Արկերի մատակարարումները կատարվում են Իսրայելի ղեկավարության հետ համաձայնությամբ, որը, ըստ իսրայելական կողմի ներկայացուցիչների, ստիպված է համաձայնել սեփական զինամթերքն իր հայեցողությամբ օգտագործելու՝ ամերիկյան խնդրանքին, նշում է թերթը։
Տաթև Ֆռանգյան
