25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
Ուղղաթիռի վթարի հետևանքով զոհվել են Ուկրաինայի ՆԳ նախարարը, փոխնախարարը և պետքարտուղարը
Քաղաքականություն
18.01.2023 | 12:44
Կիևի մերձակայքում Արտակարգ իրավիճակների պետական ծառայությանը պատկանող ուղղաթիռ է կործանվել։ Այն ընկել է մանկապարտեզի վրա։ Զոհվել է 16 մարդ, այդ թվում՝ Ուկրաինայի ՆԳՆ բարձրագույն ղեկավարությունը։ Այս մասին հայտնել է Korrespondent-ը՝ հղում կատարելով Ազգային ոստիկանության ղեկավար Իգոր Կլիմենկոյին։
«Այսօր՝ հունվարի 18-ի առավոտյան, Բրովարիում վթարի է ենթարկվել Արտակարգ իրավիճակների պետական ծառայության ուղղաթիռը։ Ավիավթարի հետևանքով զոհվել է ՆԳՆ ղեկավարությունը՝ նախարար Դենիս Մոնաստիրսկին, փոխնախարար Եվգենի Ենինը և պետքարտուղար Յուրի Լուբկովիչը»,- ասել է Կլիմենկոն։
Զոհեր կան նաև մանկապարտեզի երեխաների շրջանում։ Հիվանդանոց է տեղափոխվել 22 տուժած, որոնցից 10-ը երեխաներ են։
«Տեղում աշխատում են բոլոր համապատասխան և մասնագիտացված ծառայությունները։ Շարունակվում է դեպքի վայրի ուսումնասիրությունը»,- հավելել է Կլիմենկոն։
Տաթև Ֆռանգյան
