09.07.2026 | 22:44
Բասկետբոլի Հայաստանի մինչև 16 տարեկանների հավաքականը Երևանում ընթացող Եվրոպայի C դիվիզիոնի առաջնության կիսաեզրափակչում է
ԵԽ գլխավոր քարտուղարը կոչ է արել ազատ արձակել Նավալնիին
Քաղաքականություն
18.01.2023 | 13:30
Եվրոպայի խորհրդի գլխավոր քարտուղար Մարիա Պեյչինովիչ-Բուրիչը կոչ է արել Ռուսաստանի իշխանություններին անհապաղ ազատ արձակել Ալեքսեյ Նավալնիին։ Այս մասին ասվում է Ռուսաստանում ընդդիմության առաջնորդի ձերբակալության երկրորդ տարելիցի կապակցությամբ Եվրախորհրդի մամուլի ծառայության տարածած հայտարարության մեջ։
Մասնավորապես, Մարիա Պեյչինովիչ-Բուրիչը հիշեցրել է, որ Մարդու իրավունքների եվրոպական դատարանը որոշում է կայացրել ազատ արձակել Ալեքսեյ Նավալնիին, սակայն ընդդիմադիր գործիչը դեռ բանտում է՝ «ծանր պայմաններում»։ Եվրախորհրդի գլխավոր քարտուղարը մտահոգություն է հայտնել Նավալնիի նկատմամբ կալանքի տակ գտնվելու ժամանակ վատ վերաբերմունքի մասին հաղորդագրությունների կապակցությամբ:
«Ես կոչ եմ անում Ռուսաստանի իշխանություններին ապահովել, որ նրան անհապաղ ցուցաբերվի անհրաժեշտ բժշկական օգնություն»,- ասել է Պեյչինովիչ-Բուրիչը։
Հունվարի 17-ին ռուս ընդդիմադիր գործչի համախոհները նախաձեռնեցին #FreeNavalny («Ազատություն Նավալնիին») քարոզարշավը՝ միավորելու տարբեր ջանքերը՝ նրան բանտից ազատելու համար։
Ալեքսեյ Նավալնին ձերբակալվել է 2021 թվականի հունվարի 17-ին Մոսկվայի օդանավակայանում։
