26.02.2026 | 20:05
«Այվազովսկի» օգտատերը ձերբակալվել է տիկտոկում Փաշինյանի հասցեին վիրավորանքի համար՝պնդում է փաստաբանը. ՏԵՍԱՆՅՈՒԹ
ԱՄՆ-ն Ուկրաինային կտա այն, ինչ նրան անհրաժեշտ է մարտի դաշտում․ Բլինքեն
Քաղաքականություն
18.01.2023 | 13:01
ԱՄՆ պետքարտուղար Էնթոնի Բլինքենը հայտարարել է, որ Միացյալ Նահանգները վճռական է տրամադրել Ուկրաինային այն, ինչ նրան անհրաժեշտ է մարտի դաշտում հաջողության հասնելու համար, գրում է BBC-ի ռուսական ծառայությունը:
«Ագրեսիայի զարգացման հետ միասին, զարգացել է նաև մեր օգնությունը Ուկրաինային՝ համոզվելու համար, որ նա ունի այն, ինչ անհրաժեշտ է ագրեսիային հակազդելու համար»,- ասել է Բլինքենը Վաշինգտոնում Մեծ Բրիտանիայի արտգործնախարար Ջեյմս Քլևերլիի հետ համատեղ մամուլի ասուլիսում:
«Եթե նայեք հետագծին՝ Stingers-ից մինչև Javelins և HIMARS, Bradley մարտական մեքենաներ և Patriot հրթիռների մարտկոցներ, կտեսնեք, որ մենք անընդհատ մատակարարում ենք այն, ինչ անհրաժեշտ է Ուկրաինային, և մենք դա անում ենք այնպես, որ համոզվենք, որ դա համահունչ է մարտի դաշտում տեղի ունեցողին»,- ասել է Բլինքենը։
Նա ընդգծել է, որ Ուկրաինային ամերիկյան աջակցության տրամադրումը սկսվել է ագրեսիայի մեկնարկից մի քանի ամիս առաջ, երբ Վաշինգտոնը տեսել է, որ «փոթորկի ամպեր են կուտակվում Ուկրաինայի գլխին»։
Միաժամանակ, ԱՄՆ պետքարտուղարը բարձր է գնահատել Մեծ Բրիտանիայի՝ Ուկրաինային տանկեր մատակարարելու պատրաստակամությունը։
«Մենք ողջունում ենք վարչապետի հանձնառությունը՝ շաբաթավերջին Ուկրաինա ուղարկել Challenger 2 տանկեր և լրացուցիչ հրետանային համակարգեր՝ տարրեր, որոնք կշարունակեն ուժեղացնել և լրացնել այն, ինչ տրամադրել է Միացյալ Նահանգները»,- ասել է Բլինքենը:
Տաթև Ֆռանգյան
