09.09.2026 | 09:59
Պաշտպանության նախարարի չսպասված այցը Արարատյան հովտի զորամասերից մեկը
Ի՞նչ է արել ՀՀ իշխանությունը Լաչինի միջանցքը բացելու համար․ ներկայացրեց ՔՊ-ական պատգամավորը․ ՏԵՍԱՆՅՈՒԹ
Քաղաքականություն
17.01.2023 | 18:16
ՀՀ Ազգային ժողովում հայտարարությունների ժամ է։ ՔՊ-ական պատգամավորը Լիլիթ Մինասյանը ներկայացրեց, թե իշխանությունն ինչ քայլեր է ձեռնարկել Լաչինի միջանցքը բացելու համար։
Մինասյանի խոսքով՝ ընդդիմադիրների կողմից հաճախ է շրջանառվում այն միտքը, որ ՀՀ–ն ձեռք է քաշել Արցախից և ոչինչ չի անում Լաչինի հարցով։
«Ներկայիս իրավիճակի համար կա կոնսենսուսային մի քանի ուղի` քաղաքական, դիվանագիտական և իրավական։ Հատուկ ընդդիմադիր գործընկերների համար ուզում եմ թվարկել այն գործողությունները, որոնք իրականացվել են Լաչինի շրջափակման առաջին իսկ օրվանից։ Դեկտեմբերի 14-ին ԱԺ–ն հայտարարություն է ընդունել Ադրբեջանի կողմից ԼՂ–ում հումանիտար ճգնաժամ հարուցելու մասին։ Ճգնաժամի առաջին օրվանից ԱԺ մեր գործընկերները նամակներ են հղել միջազգային բոլոր գործընկերներին»,- նշեց պատգամավորը՝ հավելելով, որ հանդիպումների և այցերի շրջանակներում ամենօրյա ռեժիմով ապահովվում են տեղեկատվության թարմացումները։
Միօնասյանի խոսքով՝ Լաչինը փակելու առաջին իսկ օրը ՀՀ վարչապետ Նիկոլ Փաշինյանը հեռախոսազրույց է ունեցել ՌԴ նախագահ Վլադիմիր Պուտինի հետ` կարևորելով ԼՂ–ի և Հայաստանի միջև անխափան կապի ապահովումն ու խաղաղապահների հետևողական քայլերի իրականացումը։ ՀՀ վարչապետը դեկտեմբերի 26-ին և 27-ին Սանկտ Պետերբուրգում մասնակցել է ԱՊՀ երկրների ոչ պաշտոնական գագաթնաժողովին, որտեղ կրկին Պուտինի հետ Լաչինի թեմայով առանձնազրույց է ունեցել։ Իսկ ՀՀ ԱԳ ղեկավարը հեռախոսազրույցներ է ունեցել մի շարք միջազգային գործընկերների հետ։
Պատգամավորը նաև հիշեցրեց, որ դեկտեմբերի 13-ին և 19-ին ԱԽ նիստ է տեղի ունեցել, որոնց օրակարգային հարցը Լաչինի միջանցքի ճգնաժամն էր։
Մինասյանի խոսքով՝ իշխանությունն իրավական առումով ևս քայլեր է իրականացրել․ ՀՀ–ն դիմել է ՄԻԵԴ և Հաագա։
«Քանի դեռ Լաչինի միջանցքը փակ է, ոչ մեկին չի բավարարում այս ամենի արդյունքները։ Սակայն վստահեցնում եմ, որ իշխող ուժը ջանք չի խնայելու խնդրի լուծման համար»,- ընդգծեց պատգամավորը։
Մանրամասները՝ տեսանյութում։
