15.09.2026 | 16:11
Վարդան Ղուկասյանն ասել ա՝ «Ով միութենական պետությանը դեմ ա, թրքահպատակ շան տղա ա»․ Վահագն Ալեքսանյան․ ՏԵՍԱՆՅՈՒԹ
Ֆրանսիան ԵԱՀԿ Մշտական խորհրդում կրկին կոչ է արել անհապաղ բացել Լաչինի միջանցքը
Քաղաքականություն
17.01.2023 | 14:49
ԵԱՀԿ Մշտական խորհրդի հատուկ նիստում, որն անցկացվում է Հայաստանի նախաձեռնությամբ, Ֆրանսիան կրկին վերահաստատել է իր դիրքորոշումը Լաչինի միջանցքով տեղաշարժի ազատության ու անվտանգության վերականգնման հետ կապված։
Այս մասին հայտնում է ԵԱՀԿ-ում Ֆրանսիայի ներկայացուցչությունը։ «ԵԱՀԿ Մշտական խորհրդի հատուկ նիստում Հայաստանի ԱԳ նախարար Արարատ Միրզոյանի ներկայությամբ Ֆրանսիան վերահաստատել է իր կոչը՝ անհապաղ և անվերապահ վերականգնել Լաչինի միջանցքով տեղաշարժի ազատությունն ու անվտանգությունը՝ հարգելով տեղի բնակչության իրավունքները։
Ֆրանսիան հիշեցրել է իր հանձնառությունը՝ աջակցելու Հայաստանի և Ադրբեջանի միջև բանակցությունների ընթացքում առաջընթացի փնտրտուքին՝ տարածաշրջանում կայուն խաղաղություն հաստատելու համար, ինչպես նաև պատրաստակամությունը՝ նպաստելու դրան բոլոր գործընկերների և շահագրգիռ կողմերի հետ»,-ասվում է Ֆրանսիայի ներկայացուցչության թվիթերյան գրառման մեջ։
Էմմա Չոբանյան
