13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Հրաժարական է տվել Ուկրաինայի նախագահի աշխատակազմի խորհրդական Ալեքսեյ Արեստովիչը
Քաղաքականություն
17.01.2023 | 13:50
Ուկրաինայի նախագահի աշխատակազմի խորհրդական Ալեքսեյ Արեստովիչը հայտարարել է, որ հրաժարական է տվել։
«Ես հրաժարականի դիմում եմ գրել: Ուզում եմ քաղաքակիրթ վարքագծի օրինակ ցույց տալ․ սկզբունքային սխալ՝ նշանակում է հրաժարական»,- գրել է նա Facebook-ի իր էջում։
Հավելենք, որ Արեստովիչը հունվարի 14-ին հայտարարել էր, որ Դնեպրոպետրովսկում բնակելի շենքի մի մասը փլուզվել է Ուկրաինայի հակաօդային պաշտպանության համակարգից արձակված հրթիռի ընկնելու պատճառով։ Դրանից հետո նա սուր քննադատության է ենթարկվել ուկրաինական հանրության կողմից։
Հունվարի 16-ին Գերագույն ռադայի պատգամավոր Ալեքսեյ Գոնչարենկոն հայտնել է Արեստովիչի հրաժարականի պահանջով ստորագրություններ հավաքելու մասին։ Պատգամավորը նրան մեղադրել է պետական դավաճանության մեջ՝ Դնեպրոպետրովսկի դեպքերի վերաբերյալ հայտարարությունների պատճառով։
Տաթև Ֆռանգյան
