29.10.2026 | 11:32
Իսրայելում ընտրությունների հաշվարկը մոտենում է ավարտին․ մեծամասնություն չի նշմարվում
Նախագահ Վահագն Խաչատուրյանն այցելել է Տալլինի տեխնոլոգիական համալսարան և e-Estonia թվայնացման կենտրոն․ ՏԵՍԱՆՅՈՒԹ
Քաղաքականություն
17.01.2023 | 11:11
Էստոնիայի Հանրապետություն կատարած աշխատանքային այցի շրջանակում նախագահ Վահագն Խաչատուրյանն այցելել է Տալլինի տեխնոլոգիական համալսարան․ տեղեկացնում են ՀՀ նախագահի աշխատակազմից։
Նախագահին դիմավորել է համալսարանի ռեկտոր Տիիտ Լենդը։ Համալսարանի երիտասարդ գիտնականները ներկայացրել են մասնավորապես տիեզերագիտության ոլորտում իրենց հաջողությունները, ինչպես նաև հայ գործընկերների հետ համագործակցությունը Հայաստանի Լոռու մարզում գտնվող Սմարթ կենտրոնում իրականացվող համատեղ ծրագրերը։
Նախագահ Վահագն Խաչատուրյանն այցելել է նաև e-Estonia «էլեկտրոնային Էստոնիա» թվայնացման կենտրոն, որտեղ կենտրոնի գործադիր տնօրեն Ավե Լաուրինգսոնը նախագահին է ներկայացրել կենտրոնի գործունեությունը, հայեցակարգը և իրականացվող ծրագրերը:
Կենտրոնը հիմնադրվել է 2009-ին՝ որպես հասարակական կազմակերպություն և այսօր հանդիսանում է Էստոնիայի բիզնեսի և ինովացիոն գործակալության մաս և կարևոր դեր է խաղում թվային ծառայությունների ոլորտում երկրի «know-how» և փորձի առաջխաղացման գործում: Կենտրոնը նաև աջակցում է այլ երկրներին թվայնացման նախաձեռնություններում և դրանք համադրում վստահելի, առաջատար ՏՏ գործընկերների հետ:
Այցելությունների շրջանակում նախագահ Խաչատուրյանը քննարկել է փոխգործակցության ակտիվացման հեռանկարները և նոր համատեղ ծրագրեր իրականացնելու հնարավորությունները:
