16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Հայ ծանրորդներն ուսումնամարզական հավաքներ կանցկացնեն
16.01.2023 | 21:41
Հայաստանի ծանրամարտի տղամարդկանց հավաքականը մայրաքաղաքի Օլիմպավանում այսօր սկսեց մրցաշրջանի ուսումնամարզական առաջին հավաքը:
Ինչպես տեղեկացնում է ՀԱՕԿ-ի կայքը, մարզումներում ընդգրկված են 18 ծանրորդներ: Նրանք են՝ էջմիածինցիներ Սիմոն Մարտիրոսյանը, Դավիթ Հովհաննիսյանը,Կարեն Մարգարյանը, գյումրեցիներ Ռաֆիկ Հարությունյանը, Հակոբ Մկրտչյանը, Գառնիկ Չոլակյանը, Սամվել Գասպարյանը, Արա Աղանյանը, Յաշա Մինասյանը, Վարազդատ Լալայանը, Գարիկ Կարապետյանը, արարատցի Պետրոս Պետրոսյանը, վեդեցիներ Գոռ Սահակյանը, Սուրեն Գրիգորյանը և քասախցի Արմեն Գրիգորյանը:
Մարզումային գործընթացը ղեկավարում է գլխավոր մարզիչ Փաշիկ Ալավերդյանը: Նրան օգնում է մոտ անցյալի նշանավոր ծանրորդ, գյումրեցի Հակոբ Փիլոսյանը, իսկ մերսող-բժիշկը երևանցի Գոռ Դեմուրչյանն է:
Հավաքը կտևի մինչև հունվարի 29-ը:
