07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Աֆղանստանում խիստ ցրտերը 24 մարդու կյանք են խլել
Քաղաքականություն
16.01.2023 | 21:30
Աֆղանստանում ցրտահարությունից 24 մարդ է մահացել: Այս մասին հայտնել է Anadolu գործակալությունը։
Տեղական լրատվամիջոցների հաղորդմամբ՝ մի քանի օր է, ինչ երկրի կենտրոնական և հյուսիսային շրջաններում 0-ից ցածր ջերմաստիճան է նկատվում։ Հինգ մարդ, այդ թվում՝ չորս երեխա, մահացել է ցրտահարությունից Բաղդիս քաղաքում, ինը անօթևան՝ Հերաթում և Բաղլանում, հինգը՝ Խոստում, 2-ական մարդ՝ Ֆարյաբում և Գյուզջանում, մեկ մարդ՝ Սարի-Պուլում։
Հարյուրավոր մարդիկ հիպոթերմայի ախտանշաններով դիմել են հիվանդանոցներ։ Բացի այդ, եղանակային անբարենպաստ պայմանները հազարավոր խոշոր եղջերավոր անասունների սատկելու պատճառ են դարձել։
Աղբյուրը հիշեցրել է, որ ցածր եկամուտ ունեցող Աֆղանստանի մեծ թվով բնակիչներ ձմռանը չեն կարող իրենց թույլ տալ վառելափայտ և ածուխ գնել:
Նշվում է, որ գյուղական վայրերում պաշտոնական հաշվառումների բացակայությունը մեծացնում է հավանականությունը, որ ցրտահարության հետևանքով մահացածների թիվը կարող է շատ ավելի մեծ լինել։
Տաթև Ֆռանգյան
