27.06.2026 | 11:13
84 տարեկանում մահացել է երգչուհի Ռաիսա Մկրտչյանը
Շվեդիան չի հետաքննի ցուցարարների կողմից Էրդողանի խամաճիկը կախելու ակցիան
Քաղաքականություն
16.01.2023 | 22:06
Շվեդիայի դատական իշխանությունները չեն հետաքննի հունվարի 11-ին Ստոկհոլմում Թուրքիայի նախագահ Թայիփ Էրդողանի խամաճիկի հետ կապված Քուրդիստանի աշխատավորական կուսակցության կողմնակիցների գործողությունը։ Այս մասին հայտնել է Aftonbladet թերթը, փոխանցում է ՏԱՍՍ-ը։
Լրատվամիջոցի տվյալներով՝ Շվեդիայի դատախազությունը ցուցարարների գործողություններում անօրինական ոչինչ չի տեսել։
«Զրպարտության գործ է ստացվել, բայց ես համարեցի, որ տեղի ունեցածը չի կարող զրպարտություն ճանաչվել, ուստի որոշեցի նախաքննություն չսկսել»,- ասել է դատախազ Լուկաս Էրիկսենը։
Նա նշել է, որ դատախազության որոշումը կարող է բողոքարկվել, այդ դեպքում այն քննելու է ավագ դատախազը։
Հավելենք, որ անցյալ շաբաթ Շվեդիայի մայրաքաղաքում տեղի էր ունեցել բողոքի ցույց՝ ի պաշտպանություն PKK-ի, որի ընթացքում մասնակիցները գլխիվայր կախել էին Թուրքիայի նախագահ Ռեջեփ Թայիփ Էրդողանի խամաճիկը։ Սա առաջացրել էր Թուրքիայի իշխանությունների զայրույթը։ Երկրում Շվեդիայի դեսպանը կանչվել էր ԱԳՆ, որտեղ նրան բողոք էր ներկայացվել։
Էմմա Չոբանյան
