16.09.2026 | 11:42
«Ուժեղ Հայաստանը» Տիգրանաշենում զբոսաշրջային կենտրոն կստեղծի․ Անուշ Միրզոյան․ ՏԵՍԱՆՅՈՒԹ
Դավոսում ֆորումը կանցկացվի առանց ռուսների և չինացիների
Քաղաքականություն
16.01.2023 | 19:53
Դավոսի համաշխարհային տնտեսական ֆորումը, որը բացվել է այսօր՝ հունվարի 16-ին, անցկացվելու է առանց Ռուսաստանի և Չինաստանի ներկայացուցիչների մասնակցության։ Այս մասին գրում է Bloomberg-ը՝ վկայակոչելով մասնակիցների ցանկը։
«Պատերազմն Ուկրաինայում և մեկուսացումը, որին ենթարկվել է Ռուսաստանն Արևմուտքում, լիովին խոչընդոտել են օլիգարխների մասնակցությանը ֆորումին»,- ասվում է գործակալության հոդվածում։
Ֆորումին ներկա չի լինի նաև ոչ մի չինացի գործարար՝ այս երկրում մոլեգնող COVID-ի և շուկաների անկման ֆոնին։ Սակայն ֆորումի ժամանակ ելույթ կունենա Չինաստանի փոխվարչապետը։
Ընդհանուր առմամբ, միջոցառմանը կմասնակցի 116 միլիարդատեր՝ 40%-ով ավելի, քան տասը տարի առաջ։ Հատկապես ավելացել է Պարսից ծոցի երկրների և Հնդկաստանի ներկայացուցիչների թիվը։ Դրանցից 33-ը կլինեն ԱՄՆ-ից, 18-ը՝ եվրոպական երկրներից, 13-ը՝ Հնդկաստանից։
Նշենք, որ ֆորումը երեք տարվա ընթացքում առաջին անգամ կանցկացվի դասական ձևաչափով։
Մինչ այս Դավոսի Համաշխարհային տնտեսական ֆորումը վերջին անգամ դասական ձևաչափով անցկացվել է 2020 թվականի ձմռանը՝ մինչև կորոնավիրուսային համաճարակի սկիզբը։ 2021 թվականին այն ամբողջությամբ անցկացվել է առցանց, իսկ 2022 թվականին, 50-ամյա պատմության մեջ առաջին անգամ, ֆորումն անցկացվել է ոչ թե ձմռանը, այլ ամռանը։
Նշենք, որ Դավոսի տնտեսական ֆորումին չի մասնակցի նաև ՀՀ վարչապետ Նիկոլ Փաշինյանը։
Տաթև Ֆռանգյան
