25.11.2024 | 13:36
Ռումինիայի նախագահական ընտրությունների առաջին փուլում առաջատար է ՆԱՏՕ-ին և Ուկրաինային օգնությունը քննադատած Քելին Ջորջեսկուն
Ուկրաինան ԵՄ-ից կստանա 3 միլիարդ եվրոյի չափով օգնության առաջին տրանշը
Քաղաքականություն
16.01.2023 | 18:23
Այս շաբաթ Ուկրաինան կստանա Կիևին Եվրամիության կողմից խոստացված 18 միլիարդ եվրոյից 3 միլիարդը՝ որպես մակրո օգնություն։ Այս մասին Թվիթերում գրառմամբ հայտնել է Ուկրաինայի վարչապետ Դենիս Շմիգալը։
Նա նշել է, որ այդ միջոցներն անհրաժեշտ են Ուկրաինային մակրոֆինանսական կայունությունը պահպանելու համար։
ԵՄ-ին 18 մլրդ եվրո ընդհանուր ծավալով փաթեթ տրամադրելու մասին հուշագիրը ստորագրել է Եվրահանձնաժողովի փոխնախագահ Վալդիս Դոմբրովսկիսը։
«Դա Ուկրաինային թույլ կտա հոգալ ամենահրատապ կարիքները՝ ունենալով միջոցների կայուն հոսք ամբողջ տարվա ընթացքում»,- ասել է նա։
Նշենք, որ ԵՄ անդամ պետությունների համար հեշտ չէր համաձայնության գալ այս փաթեթի շուրջ։ Մասնավորապես, Հունգարիան երկար ժամանակ դեմ էր դրան: ԵՄ-ին հաջողվել է համաձայնության գալ 2022 թվականի դեկտեմբերի կեսերին։
Տաթև Ֆռանգյան
