29.10.2026 | 11:06
Պատգամավորները ծեծում են միմյանց, իրար վրա աթոռ նետում․ ՏԵՍԱՆՅՈՒԹ
Գերմանիայի պաշտպանության նախարար Քրիստին Լամբրեխտը հրաժարական է տվել
Քաղաքականություն
16.01.2023 | 15:32
Գերմանիայի պաշտպանության նախարար Քրիստին Լամբրեխտը հրաժարական է տվել։ Լամբրեխտի հայտարարության մեջ ասվում է, որ համապատասխան դիմում է ներկայացրել Գերմանիայի կանցլեր Օլաֆ Շոլցին, գրում է DW-ի ռուսական ծառայությունը։
«Իմ անձի շուրջ լրատվամիջոցների՝ ամիսներ տևած ուշադրությունը գրեթե անհնարին է դարձնում զինծառայողների, բունդեսվերի շուրջ գործնական տեղեկատվության հրապարակումն ու քննարկումները, ինչպես նաև՝ անվտանգությն ոլորտի առաջնահերթությունների սահմանումն ի շահ Գերմանիայի քաղաքացիների։ Զինվորականների և շատ մոտիվացված մարդկանց արժեքավոր աշխատանքը պետք է մնա առաջին պլանում։ Ուստի՝ ես որոշում կայացրի հեռանալ իմ պաշտոնից»,- բացատրել է 57-ամյա Լամբրեխտը։
Լամբրեխտն արդեն ամիսներ շարունակ քննադատության թիրախում է: Ընդդիմադիր Քրիստոնեա-դեմոկրատները նրան մեղադրում են ոչ կոմպետենտության, Բունդեսվերը վերազինելու դանդաղության և հանրային անհաջող ելույթների մեջ:
BBC-ի Բեռլինի թղթակից Ջենի Հիլն էլ նշում է, որ Քրիստին Լամբրեխտը հրաժարական է տվել, քանի որ Բեռլինն աճող ճնշման տակ է գերմանական արտադրության տանկեր Ուկրաինա մատակարարելու համար:
Տաթև Ֆռանգյան
