25.06.2026 | 17:07
Ընթացքի մեջ է Կարապետյանի` քաղաքացիություններից հրաժարվելու գործընթացը. Վարդևանյան․ ՏԵՍԱՆՅՈՒԹ
Փաշինյանը չի մասնակցի Դավոսում կայանալիք Համաշխարհային տնտեսական ֆորումին
Քաղաքականություն
16.01.2023 | 16:00
Հայաստանի վարչապետ Նիկոլ Փաշինյանը չի մասնակցի Դավոսում կայանալիք Համաշխարհային տնտեսական ֆորումին։ Այս մասին Factor.am-ի հարցին ի պատասխան հայտնեց վարչապետի աշխատակազմի տեղեկատվության և հասարակայնության հետ կապերի վարչության պետ Արմեն Խաչատրյանը։
«Այս տարի նման այց պլանավորված չէ», – նշեց նա։ Թե ինչո՞ւ վարչապետը չի մասնակցում այս միջոցառմանը, կառավարությունից մանրամասներ չեն հաղորդում։ Նշենք, որ Փաշինյանը այս համաժողովին մասնակցել է 2019 թվականին։
Ամենամյա Համաշխարհային տնտեսական ֆորումը բացվում է այսօր Շվեյցարիայի լեռնադահուկային հանգստավայրում՝ կորոնավիրուսի համավարակով պայմանավորված երկամյա ընդմիջումից հետո։ Դրան կմասնակցեն ավելի քան 50 պետությունների ու կառավարությունների ղեկավարներ։ Ադրբեջանի նախագահ Իլհամ Ալիևը մասնակցելու է ֆորումին և գրանցված է որպես Եվրասիական միջին միջանցքի շուրջ պանելային քննարկման մասնակից, գրում է EADaily-ն։
