29.10.2026 | 10:31
Մոսկվայի երեք օդանավակայանների աշխատանքը ԱԹՍ-ների հարձակման պատճառով սահմանափակվել է
Նռնակը նետեցին ոտքերիս տակ, գիտակցությունս կորցրի․ հրապարակվեց Ալեն Սիմոնյանի նախաքննական ցուցմունքը․ ՏԵՍԱՆՅՈՒԹ
Հասարակություն
16.01.2023 | 12:42
Ազգային ժողովի նախագահ Ալեն Սիմոնյանը դատարանում է․ նա որպես տուժող հարցաքննվում է նախկին փոխոստիկանապետ Լևոն Երանոսյանի գործով։ Սիմոնյանը 2018 թվականի ապրիլի 16-ին Բաղրամյան պողոտայում հատուկ միջոցների կիրառման հետևանքով վնասվածք էր ստացել ու տեղափոխվել հիվանդանոց: Հետագայում հարուցված քրեական գործի շրջանակներում Սիմոնյանը տուժող էր ճանաչվել։
Հիշեցնենք, որ համաձայն մեղադրական եզրակացության՝ Լևոն Երանոսյանը հատուկ միջոցների գործադրմամբ դիտավորությամբ կատարել է այնպիսի գործողություններ, որոնք ակնհայտորեն դուրս են եկել իր լիազորությունների շրջանակից և էական վնաս են պատճառել քաղաքացիների իրավունքներին ու օրինական շահերին, ինչպես նաև անզգուշությամբ առաջացրել են ծանր հետևանքներ։ Երանոսյանին մեղադրանք է առաջադրվել նախկին քրեական օրենսգրքի 309 հոդվածի 1-ին մասի 2-րդ եւ 3-րդ կետերով, նրա նկատմամբ որպես խափանման միջոց է ընտրվել չհեռանալու մասին ստորագրությունը։ Գործը դատարանում քննվում է 2019 թվականի մարտից։
Երանոսյանը չի ընդունում առաջադրված մեղադրանքը և հայտարարել է, որ ոստիկանության գործողությունների արդյունքում է հնարավոր եղել ապահովել իշխանության անցնցում փոխանցումը։
Նռնակը նետեցին ոտքերիս տակ, գիտակցությունս կորցրի․ հրապարակվեց Ալեն Սիմոնյանի նախաքննական ցուցմունքը։
