01.11.2024 | 21:16
Ադրբեջանի Մեջլիսի նախագահն ու Բաքվում ՌԴ դեսպանը Եվրախորհրդարանի «հակաադրբեջանական գործողություններն» են քննարկել
2022 թ․ ՀՀ օդանավակայաններից մեկնած ու ժամանած ուղևորների թիվն աննախադեպ է․ ՏԿԵ փոխնախարար․ ՏԵՍԱՆՅՈՒԹ
Տնտեսություն
16.01.2023 | 12:17
2022 թ․ ՀՀ օդանավակայաններից մեկնած ու ժամանած ուղևորների թիվն աննախադեպ էր, այն կազմել է 3 միլիոն 697 հազար 539 ուղևոր։ Ազգային ժողովի այսօրվա նիստում այս մասին հայտարարեց ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանը` ներկայացնելով «Ավիացիայի մասին» օրենքում լրացումներ կատարելու մասին նախագիծը։
«Ընդհանուր առմամբ, 2022 թվականին օդանավակայաններից մեկնած և ժամանած ուղևորների թիվը աննախադեպ էր՝ կազմելով 3 միլիոն 697 հազար 539 ուղևոր, որոնցից Ռուսաստանի ավիաընկերություններով 1 միլիոն 458 հազար 718 ուղևոր է տեղափոխվել, Հայաստանում գրանցված ավիաընկերություններով` 916 հազար 524 ուղևոր և այլ երկրների ավիաընկերություններով` 1,3 միլիոն ուղևոր»,- ասաց նախարարի տեղակալը։
Ողջ ուղևորահոսքից առաջին տեղում FlyOne Armenia ընկերությունն է՝ 458 հազար 500 ուղևորով, 2-րդ տեղում ռուսական «Azimuth»-ն է, 3-րդում «Aeroflot»-ն է, 4-րդը՝ ռուսական «Red Wings»-ը, 5-րդը ՝ «Armenia» ավիաընկերությունը, հետո՝ «Utair»-ը, «Wizz Air»-ը, «Russian» ավիաընկերությունները, «Fly Dubai»-ը ու «Hahn Air»-ը:
Մանրամասները՝ տեսանյութում։
