29.10.2026 | 16:16
«Գոլդ» սերիայով կենսաչափական անձնագրերը կվաճառվեն թանկ գնով
Ռադիոիզոտոպների արտադրության կենտրոնը կհանվի մասնավորեցման ցանկից և կմիավորվի Ուռուցքաբանության ազգային կենտրոնի հետ․ ՏԵՍԱՆՅՈՒԹ
Տնտեսություն
16.01.2023 | 11:58
ԱԺ նիստում քննարկվում է օրենսդրական նախաձեռնությանը, որով առաջարկվում է 2017-2020 թթ. մասնավորեցման առաջարկվող պետական բաժնեմաս ունեցող ընկերությունների, մասնավորեցման օբյեկտների ցանկից հանել «Ռադիոիզոտոպների արտադրության կենտրոն» ՓԲԸ-ն:
«Պետական գույքի մասնավորեցման 2017-2020 թվականների ծրագրի մասին» օրենքում փոփոխություն կատարելու մասին օրենքի նախագիծը ԱԺ նիստում ներկայացրեց ՀՀ առողջապահության նախարարի տեղակալ Արմեն Նազարյանը:
Նրա խոսքով՝ կենտրոնը գործում է 2020 թ. հունիսից, ներկայումս իրականացնում է պոզիտրոն-էմիսիոնային և համակարգչային տոմոգրաֆիկ հետազոտություններ, ինչպես նաև ռադիոիզոտոպի արտադրություն: Հաշվի առնելով, որ կենտրոնը նման հետազոտություններ իրականացնող միակ կազմակերպությունն է, նաև ունի 4 կառավարական վարկեր` հետագա զարգացման նպատակով առաջարկվում է այն հանել մասնավորեցման ցանկից և հետագայում միավորել «Վ. Ա. Ֆանարջյանի անվան Ուռուցքաբանության ազգային կենտրոն» ՓԲԸ-ի հետ:
Ռադիոիզոտոպների արտադրության կենտրոնը եզակի ծառայություններ մատուցող կազմակերպություն է:
Ազգային ժողովի Առողջապահության հարցերի մշտական հանձնաժողովում նախագիծն ստացել է դրական եզրակացություն:
Մանրամասները՝ տեսանյութում։
