08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Դնեպրում ՌԴ կողմից 9 հարկանի բնակելի շենքի հրթիռակոծությունն ավելի քան 35 մարդու կյանք է խլել
Քաղաքականություն
16.01.2023 | 13:00
Դնեպրում 9-հարկանի բնակելի շենքի հրթիռակոծության հետևանքով զոհերի թիվը հասել է 35-ի, հայտնել է քաղաքային վարչակազմի ղեկավար Վալենտին Ռեզնիչենկոն, փոխանցում է BBC-ի ռուսական ծառայությունը։
«Գիշերը փրկարարները ռուսական հրթիռից ավերված բարձրահարկ շենքի փլատակներից դուրս են բերել ևս մի քանի մահացածի։ Այս պահի դրությամբ հայտնի է թշնամու հարձակման հետևանքով շենքի 35 բնակիչների զոհվելու մասին։ Նրանցից երկուսը երեխաներ են»,-ասել է Ռեզնիչենկոն։ Վիրավորվել է 75 բնակիչ, որոնց թվում 14 երեխա կա։ Շենքի ևս 35 բնակիչների ճակատագիրն առայժմ անհայտ է։ Որոնողափրկարարական աշխատանքները շարունակվում են։
Հիշեցնենք՝ հունվարի 14-ի կեսօրին ՌԴ կողմից Ուկրաինայի տարածքի հերթական զանգվածային հարվածների ժամանակ հրթիռներից մեկն ընկել է Դնեպրում գտնվող ինը հարկանի բնակելի շենքի վրա։
