25.11.2024 | 13:36
Ռումինիայի նախագահական ընտրությունների առաջին փուլում առաջատար է ՆԱՏՕ-ին և Ուկրաինային օգնությունը քննադատած Քելին Ջորջեսկուն
2023 թվականին նախատեսված ՀԱՊԿ չորս զորավարժություններից երեքը կանցկացվեն Բելառուսում
Քաղաքականություն
16.01.2023 | 12:51
2023 թվականին նախատեսված Հավաքական անվտանգության պայմանագրի կազմակերպության (ՀԱՊԿ) չորս զորավարժություններից երեքը կանցկացվեն Բելառուսում։ Այս մասին բելառուսական СТВ հեռուստաալիքին տված հարցազրույցում ասել է Բելառուսի Անվտանգության խորհրդի պետքարտուղարի առաջին տեղակալ Պավել Մուրավեյկոն, փոխանցում է ԲելՌոս-ը։
«Դրանք են արագ արձագանքման հավաքական ուժերի կողմից անցկացվելիք «Փոխգործակցություն», հետախուզական ստորաբաժանումների «Որոնում» վարժանքները և սեպտեմբերին թիկունքայիննների «Էշելոն» վարժանքները»,- ասել է նա։
Մուրավեյկոն ասել է, որ 2023 թվականին ՀԱՊԿ-ում Բելառուսի նախագահության շրջանակում նախատեսվում է Մինսկում անցկացնել «Եվրասիական անվտանգության վերաբերյալ միջազգային համաժողով, բավականին լայն երկխոսություն արտգործնախարարների, պաշտպանության նախարարների, ՀԱՊԿ-Չինաստան գծով Անվտանգության խորհրդի քարտուղարների մակարդակով»։
Հիշեցնենք, որ Հայաստանը հրաժարվել է այս տարի ընդունել ռազմական դաշինքի զորավարժությունները: ՀՀ վարչապետը նշել է, որ Հայաստանի Հանրապետության Պաշտպանության նախարարությունը, հաշվի առնելով ստեղծված ռազմաքաղաքական իրավիճակը, ՀԱՊԿ «Անքակտելի եղբայրություն 2023» զորավարժության անցկացումը ՀՀ-ում համարել է ոչ նպատակահարմար և այդ մասին հունվարի 5-ին պաշտոնական գրությամբ տեղեկացրել է ՀԱՊԿ Միացյալ շտաբի պետին:
Տաթև Ֆռանգյան
