27.06.2026 | 13:33
Ռուբիոն հայտարարել է Իսրայել–Լիբանան նոր համաձայնագրի մասին. Իրանը դուրս է մնում, «Հեզբոլլահը»՝ նույնպես
Կրեմլը փորձելու է կես տարվա ընթացում մարտի դաշտում նախաձեռնությունն իր ձեռքը վերցնել․ISW
Քաղաքականություն
16.01.2023 | 11:33
Ռուսաստանն առաջիկա վեց ամիսների ընթացքում ձգտելու է նախաձեռնությունն իր ձեռքը վերցնել ու պատրաստվել «որոշիչ ռազմավարական գործողությունների՝ վերջ դնելու Ուկրաինայի հակահարձակողական հաջողություններին», կարծում են Պատերազմի ուսումնասիրման ամերիկյան ինստիտուտի (ISW) փորձագետները, գրում է BBC-ի ռուսական ծառայությունը։
Ինստիտուտի վերլուծաբանները գրում են, որ պատերազմի 11 ամիսների ընթացքում Ռուսաստանը չի հասել իր օպերատիվ նպատակներին՝ չի հաջողվել գրավել Կիևը, Լուգանսկի ու Դոնեցկի շրջանները, պահել Խարկովի շրջանը կամ Խերսոնը, էներգետիկ ենթակառուցվածքների ուղղությամբ հրթիռային հարձակումները չեն բարոյալքել ուկրաինական հասարակությանը։
Նշվում է, որ ՌԴ նախագահ Վլադիմիր Պուտինը չի հրաժարվում իր մաքսիմալիստական նպատակներից․ նա այժմ, ըստ վերլուծաբանների, փոխում է պատերազմ վարելու մոտեցումները։ Ինստիտուտի փորձագետները գրում են, որ ռուսական բանակը կարող է փորձել խոշոր հարձակում իրականացնել Լուգանսկի շրջանում։
Էմմա Չոբանյան
