01.06.2026 | 22:54
Ինչպես հայտագրել առաջին դասարանցիներին
Արմավիրի մարզի Աղավնատուն գյուղում մասամբ այրվել է բրիկետների գործարանի տանիքը
15.01.2023 | 11:56
Արմավիրի մարզային ճգնաժամային կառավարման կենտրոնը հունվարի 14-ին, ժամը 19:45-ին տեղեկություն է ստացել, որ հրդեհ է բռնկվել Աղավնատուն գյուղի փայտածուխի բրիկետների գործարանում:
ՀՀ ներքին գործերի նախարարության փրկարար ծառայությունից տեղեկանում ենք, որ դեպքի վայր են մեկնել ՆԳՆ ՓԾ Երևան քաղաքի և մարզային փրկարարական վարչությունների հրշեջ-փրկարարական ջոկատների երեք մարտական հաշվարկ։
Ըստ աղբյուրի՝ պարզվել է, որ հրդեհը բռնկվել է գյուղի Հարավային 4-րդ փողոցում գտնվող բրիկետների գործարանի տանիքում (400 քմ)։
Նշվում է, որ հրդեհը մեկուսացվել է ժամը 20:40-ին, մարվել՝ 21:30-ին: Մասամբ այրվել է գործարանի տանիքը (200 քմ) և ածուխի հումք (5 խմ):
