15.01.2025 | 10:31
Տրանսպորտային քարտերը հնարավոր է ձեռք բերել նաև Երևանի մետրոպոլիտենի 10 կայարաններից․ քաղաքապետարան
Չեխերը նախագահ են ընտրում
Քաղաքականություն
13.01.2023 | 19:58
Չեխիայում ուրբաթ մեկնարկել են նախագահական ընտրությունները, որոնք կտևեն երկու օր։ Երկրի քաղաքացիները պետք է որոշեն, թե ութ թեկնածուներից ով կփոխարինի Միլոշ Զեմանին պետության ղեկավարի պաշտոնում, գրում է Euronews-ը։
Հիմնական հավակնորդների թվում է երկրի նախկին վարչապետ Անդրեյ Բաբիշը, որը վերջերս արդարացվել է խարդախության մեղադրանքների գործով և առաջարկում է Պրահայում Ուկրաինայի հարցով «խաղաղության գագաթնաժողով» անցկացնել։
Նա կմրցի բանակի գեներալ և ՆԱՏՕ-ի ռազմական կոմիտեի նախկին նախագահ Պետր Պավելի և Բռնոյի Մենդելի համալսարանի նախկին ռեկտոր Դանուշա Ներուդովայի հետ։ Վերջին սոցիոլոգիական հետազոտությունների համաձայն՝ նրանցից յուրաքանչյուրը վայելում է ընտրողների 26-27%-ի աջակցությունը։
Բոլոր թեկնածուները խոստանում են ամրապնդել Չեխիայի միջազգային դիրքերը, նրա տնտեսական, գիտական, տեխնիկական և պաշտպանական ներուժը, նպաստել սոցիալական ծրագրերի զարգացմանն ու ընդլայնմանը։ Նրանք բոլորն ընդգծում են Եվրամիությանը և ՆԱՏՕ-ին անդամակցության կարևորությունը, դատապարտում են Ռուսաստանի ներխուժումն Ուկրաինա և հանդես են գալիս Կիևին համապարփակ օգնության օգտին:
Տաթև Ֆռանգյան
