13.09.2026 | 16:49
Փաշինյանը շնորհավորել է Հայաստանի հրեական համայնքին՝ Ռոշ Հաշանայի առիթով
Անկարայի դատախազությունը հետաքննություն է սկսել Շվեդիայում Էրդողանի խամաճիկը կախելու դեպքի առթիվ
Քաղաքականություն
13.01.2023 | 22:40
Անկարայի դատախազները հետաքննություն են սկսել Շվեդիայում մի խումբ ակտիվիստների բողոքի ակցիայի հետ կապված, որի ընթացքում նախագահ Ռեջեփ Թայիփ Էրդողանի խամաճիկը գլխիվայր կախել էին, գրում է Bianet-ը։
Նախօրեին Ստոկհոլմում բողոքի ակցիա է անցկացվել՝ ՆԱՏՕ-ին Շվեդիայի անդամակցության դիմաց Թուրքիային, իբր, «ահաբեկչության» մեջ կասկածվողներին արտահանձնելու դեմ։
Թուրքական դատախազությունը հետաքննությունը սկսվել է Էրդողանի բողոքից հետո։
«Քրեական գործ է հարուցվել Անկարայի Գլխավոր դատախազության կողմից մեր նախագահի դեմ ուղղված հանցավոր գործողությունների պատճառով՝ հանցագործների նկատմամբ հետաքննություն սկսելու պահանջով»,- Թվիթերում գրել է Էրդողանի փաստաբան Հուսեյն Այդընը։
Հավելենք, որ այս դեպքի առնչությամբ Թուրքիայում Շվեդիայի դեսպանը կանչվել էր երկրի ԱԳՆ։
Հիշեցնենք՝ Շվեդիան, Ֆինլանդիան և Թուրքիան եռակողմ հուշագիր են ստորագրել, որով պայմանավորված Ստոկհոլմն արդեն մի քանի անձի արտահանձնել է Անկարային։ Թուրք պաշտոնյաները, սակայն, նշում են, որ դա բավարար չէ, որպեսզի Անկարան վավերացնի ՆԱՏՕ-ին անդամակցության Շվեդիայի դիմումը։
Էմմա Չոբանյան
