12.01.2025 | 15:50
Յուրաքանչյուր դատավոր պետք է գործի բացառապես օրենքի և իր խղճի թելադրանքով. ՀՀ նախագահ․ ՏԵՍԱՆՅՈՒԹ
ՌԴ ԱԳՆ-ն հիշել է ՀԱՊԿ-ի՝ արտաքին ագրեսիայի դեպքում փոխադարձ օգնության մասին պարտավորությունն ու չի բացառել Բելառուսի ներքաշումը պատերազմում
Քաղաքականություն
13.01.2023 | 16:17
Ռուսաստանը չի բացառում, որ Բելառուսը կարող է պատերազմի մեջ մտնել Ուկրաինայի դեմ՝ երկրներից մեկի վրա Կիևի հարձակման դեպքում։ ՏԱՍՍ-ին տված հարցազրույցում ՌԴ ԱԳՆ-ի ԱՊՀ երկրների հարցերով երկրորդ վարչության տնօրեն Ալեքսեյ Պոլիշչուկը հիշել է նաև ՀԱՊԿ-ի մասին, որի անդամ պետություններն արտաքին ագրեսիայի դեպքում փոխադարձ օգնության մասին համանման պարտավորություններ ունեն։
Ռուս պաշտոնյային հարց է տրվել՝ արդյո՞ք Ուկրաինայի հակամարտությանը Բելառուսի ներքաշման իրական սցենար կար։ Ի պատասխան՝ Պոլիշչուկը հիշեցրել է, որ 2021 թվականի նոյեմբերին հաստատվել է Միութենական պետության թարմացված ռազմական դոկտրինը, որը «կրում է բացառապես պաշտպանական բնույթ, սակայն ենթադրում է, որ ցանկացած անդամ պետության դեմ ռազմական ուժի կիրառումը դիտվում է որպես ոտնձգություն ընդհանուր առմամբ Միութենական պետության նկատմամբ»։
«Արտաքին ագրեսիայի դեպքում փոխադարձ օգնության մասին համանման պարտավորություններ ունեն նաև ՀԱՊԿ-ի շրջանակներում մեր պետությունները»,- նշել է նա։
«Իրավական տեսակետից Կիևի ռեժիմի կողմից ռազմական ուժի կիրառումը կամ Ուկրաինայի Զինված ուժերի ներխուժումը Բելառուսի կամ Ռուսաստանի տարածք բավարար հիմքեր են հավաքական պատասխան տալու համար»,- ասել է Պոլիշչուկը։
Միաժամանակ, նա նշել է, որ նման միջոցների ընդունումը մնում է երկու երկրների քաղաքական ու ռազմական ղեկավարության հայեցողությանը։
Տաթև Ֆռանգյան
