07.06.2026 | 15:18
Օհայոյում փառատոնի ժամանակ հնչած կրակոցների հետևանքով առնվազն 12 մարդ է վիրավորվել
Իրանն ուրախ է Թուրքիայի և Սիրիայի երկխոսության կապակցությամբ․ ԱԳ նախարար
Քաղաքականություն
13.01.2023 | 18:36
Իրանի ԱԳ նախարար Հոսեյն Ամիր Աբդոլահիանը հայտարարել է, որ Թեհրանն ուրախ է տեսնել Սիրիայի և Թուրքիայի միջև մերձեցումը, գրում է Reuters-ը։
«Մենք ուրախ ենք Սիրիայի և Թուրքիայի միջև տեղի ունեցող երկխոսության կապակցությամբ և կարծում ենք, որ այն դրականորեն կանդրադառնա երկու երկրների հարաբերությունների վրա»,- ասել է Աբդոլահիանը Լիբանան դիվանագիտական այցի ժամանակ։
Հավելենք, որ Թուրքիայի և Սիրիայի միջև ակտիվ երկխոսություն է սկսվել։ Անցյալ տարվա դեկտեմբերին Մոսկվայում, 2011 թվականից ի վեր առաջին անգամ, հանդիպել էին երկու երկրների պաշտոնյաները։ Տեղի էր ունեցել ՌԴ-ի, Թուրքիայի ու Սիրիայի ՊՆ և հետախուզական ծառայության ղեկավարների հանդիպումը։ Հիմա հանդիպում է նախապատրաստվում ԱԳ նախարարների մակարդակով։
Էմմա Չոբանյան
