07.10.2026 | 13:32
Դելին ու Երևանը քննարկում են Հայաստանում Pinaka Mk-II-ի արտադրության և հավաքման հնարավորությունը․ հնդկական ԶԼՄ
Հայաստանը դիտարկում է Հնդկաստանից MR-SAM ՀՕՊ համակարգերի ձեռքերումը. IDRW
Քաղաքականություն
13.01.2023 | 15:30
Հնդկական մասնագիտացված Indian Defence Research Wing (IDFW) պորտալը հայտնում է, որ Հայաստանը դիտարկում է հնդկական արտադրության միջին հեռահարության MR-SAM հրթիռահրետանային համակարգների ձեռքբերումը՝ իր հակաօդային պաշտպանության համակարգերի ամրացման ու որոշ խորհրդային համակարգերի փոփոխման համար, ինչպիսին է S-125 Pechora-ն։
Նշվում է, որ Հայաստանն արդեն ունի С-300 մարտկոցներ, սակայն չունի որակյալ միջին մակարդակի զենիթահրթիռային համալիր։ Պորտալին հայտնել են, որ Հնդկաստանն առաջարկել է Հայաստանին իր սեփական արտադրության ՀՕՊ համակարգերը, ինչպիսիք են Akash-ը և Akash-NG-ն, և բաց են հետագա բոլոր բանակցությունների համար։
Լրատվամիջոցը գրում է, որ Ադրբեջանը շահագործում է Barak-8-ի իսրայելական տարբերակը, միաժամանակ, MR-SAM-ն էլ ունի շատ իսրայելական մասեր, սակայն Հնդկաստանն ունի դրանց արտահանման լիիրավ իրավունքներ։
Պորտալին հայտնի է դարձել, որ չնայած Իսրայելի թույլտվությունը պետք չէ MR-SAM-ի արտահանման համար, սակայն Հնդկաստանը պետք է դիտարկի կոնֆիդենցիալության անհրաժեշտությունն այն մասին, որ Հայաստանը նախկինի պես հետաքրրքված է այդ համակարգով կամ ցանկանում է հնդկական արտադրության այլ ՀՕՊ համակարգեր։
Հավելենք, որ օրերս էլ IDFW-ը հայտնել էր, որ Հայաստանը հետաքրքրված է Հնդկաստանի փորձով իր Սու-30 կործանիչների համար։
Էմմա Չոբանյան
