26.07.2026 | 21:56
Խուդաթյանը շրջայց է կատարել Իրանում կառուցվող թունելում և ճանապարհի կառավարման կենտրոնում
Բաքուն թամբել է նավթի ալիքը. ադրբեջանական նավթը ռուսականից երկու անգամ ավելի թանկ է վաճառվում
Քաղաքականություն
13.01.2023 | 14:50
Azeri Light ապրանքանիշի ադրբեջանական նավթի գինը CIF պայմաններով իտալական «Ավգուստա» նավահանգստում անցած հինգշաբթի աճել է 3,11 դոլարով՝ նախորդ ցուցանիշի համեմատ, և կազմել է 90,63 դոլար մեկ բարելի դիմաց, գրում է EADaily-ն։
Թուրքական «Ջեյհան» նավահանգստում FOB պայմաններով Azeri Light-ի գինն աճել է 3,02 դոլարով՝ հասնելով 88,5 դոլարի՝ մեկ բարելի դիմաց։
Նովոռոսիյսկի սևծովյան նավահանգստից Բաքու-Նովոռոսիյսկ խողովակաշարով վաճառվող ռուսական Urals տեսակի նավթի արժեքը, նախորդ ցուցանիշի համեմատ, աճել է մեկ բարելի դիմաց 2,37 դոլարով՝ կազմելով 44,7 դոլար։
Այսպիսով, սև ոսկու ադրբեջանական տեսակը ներկայում ավելի քան երկու անգամ թանկ է ռուսականից, ինչն ակնհայտորեն պայմանավորված է Ռուսաստանից ծովով նավթի մատակարարումների եվրոպական արգելքի և դրա համար սահմանված գնային վերին շեմի ազդեցությամբ։
Հյուսիսային ծովից արդյունահանվող էտալոնային Brent տեսակի նավթի 1 բարելի գինը հունվարի 12-ին աճել է 2,39 դոլարով՝ հասնելով 82,83 դոլարի։
Տաթև Ֆռանգյան
