29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Վոլոդինն առաջարկել է բռնագրավել արտերկիր մեկնած և պատերազմը քննադատող ռուսների ունեցվածքը
Քաղաքականություն
13.01.2023 | 13:58
Անհրաժեշտ է բռնագրավել այն ռուսների ունեցվածքը, որոնք լքել են երկիրը և քննադատում են պատերազմն ու Ռուսաստանի իշխանություններին։ Այս մասին Տելեգրամի իր ալիքում գրել է ՌԴ Պետդումայի խոսնակ Վյաչեսլավ Վոլոդինը, փոխանցում է Meduza-ն։
Ըստ նրա՝ որոշ ռուսներ «հնարավոր են համարում Ռուսաստանին, նրա բնակիչներին, զինվորներին ու սպաներին վիրավորելը, բաց կերպով աջակցում են չարագործներին ու մարդասպաններին»։ Վոլոդինի կարծիքով՝ նման մարդկանց նպատակն «արտերկրում իրենց բարեկեցությունն ապահովելն է»։
«Նման հայտարարությունները կարող են դիտվել որպես ծայրահեղականության, նացիզմի վերականգնման կամ զինված ուժերի վարկաբեկման կոչեր։ Հետաքննության խնդիրն է հանցակազմի որոշումը։ Այս իրավիճակում ճիշտ կլինի լրացնել Քրեական օրենսգրքի համապատասխան հոդվածները Ռուսաստանի Դաշնությունում սրիկաներից գույքի բռնագրավման մասին կետով, որը նրանք բավականաչափ ունեն՝ վնասը փոխհատուցելու համար»,- գրել է Վոլոդինը։
Էմմա Չոբանյան
