07.10.2026 | 16:04
Ադրբեջանն Ուկրաինային հերթական մարդասիրական օգնությունն է ուղարկել
Կդիմենք ԵՄ-ին, որ ևս մեկ առաքելություն տեղակայենք. Ֆրանսիայի ԱԺ նախագահ․ ՏԵՍԱՆՅՈՒԹ
Քաղաքականություն
13.01.2023 | 13:18
Ֆրանսիան հուսով է, որ կդիմի ԵՄ-ին, և կհաջողվի ևս մեկ առաքելություն տեղակայել հայ-ադրբեջանական սահմանին։ Երևանում ՀՀ ԱԺ նախագահ Ալեն Սիմոնյանի հետ համատեղ ասուլիսում այս մասին հայտարարեց Ֆրանսիայի ԱԺ նախագահ Յաել Բրաուն-Պիվեն։
«Անհրաժեշտ է, որ յուրաքանչյուր անդամ-պետություն համաձայն լինի այդ դիրքորոշման հետ», – նշեց Ֆրանսիայի ԱԺ նախագահը՝ հավելով, որ չգիտի, թե արդյոք Հայաստանի իշխանությունների կողմից նման դիմում եղել է, թե ոչ։
Դիտարկմանը, թե խոսքը ոչ թե հայ-ադրբեջանական սահմանին փաստահավաք խումբ ուղարկելու մասին է, այլ՝ Արցախ՝ Լաչինի միջանցք, արձագանքեց ՀՀ ԱԺ նախագահ Ալեն Սիմոնյանը։
«Դրա համար պետք է նաև Ադրբեջանի համաձայնությունը, պետք է բոլոր կողմերի համաձայնությունը», – նշեց նա։
Սիմոնյանի խոսքով՝ Ֆրանսիան Հայաստանին պետք է որպես միջնորդ, այլ ոչ թե որպես կողմ։
«Ֆրանսիան ամեն ինչ անում է տարծաշրջանաում խաղաղություն բերելու համար, բայց Ֆրանսիան մեզ պետք է որպես միջնորդ, այլ ոչ թե որպես կողմ», – ընդգծեց ՀՀ ԱԺ նախագահը։
Մանրամասները՝ տեսանյութում։
