05.11.2024 | 19:17
Քաղաքաշինության կոմիտեում կառուցապատողների հետ քննարկվել են ոլորտային խնդիրների լուծման տարբերակներ
ՌԴ Պետդուման հայտարարել է բազմազավակ հայրերի՝ մոբիլիզացիայից տարկետումը վերացնելու մասին
Քաղաքականություն
13.01.2023 | 20:43
Պետդումայի պատգամավոր Նինա Օստանինան Telegram-ի իր ալիքում հայտնել է, որ դեկտեմբերի վերջին ՊՆ-ն փաստաթուղթ է ուղարկել զինկոմիսարիատներ երեք երեխաների հայրերի համար զորակոչից տարկետումը վերացնելու մասին, որը ներկայացվել էր հոկտեմբերի 4-ին, գրում է BBC-ի ռուսական ծառայությունը։
Օստանինայի խոսքով՝ այս մասին նա տեղեկացել է Մարդու իրավունքների խորհրդի անդամ Իրինա Կիրկորայից։ Փաստաթուղթը, նրա տեղեկություններով, ստորագրել է ՌԴ Գլխավոր շտաբի պետ Վալերի Գերասիմովը, որը վերջերս նշանակվել է Ուկրաինայում ռուսական միացյալ զորքերի խմբի հրամանատար։
Հրամանի գոյության մասին տեղեկությունը «հաստատում է գտել գլխավոր շտաբի ներկայացուցչի հետ զրույցում», նշել է Օստանինան։ ՊՆ-ում, սակայն, պատգամավորին չեն պատասխանել։
Ըստ Օստանինայի՝ տարկետման չեղարկումը կարող է պայմանավորված լինել այն հանգամանքով, որ «շատ դժվար է վերադարձնել արդեն ռազմական գործողությունների գոտում գտնվողներին»։
Հիշեցնենք, որ հոկտեմբերի վերջին Ռուսաստանում հայտարարվել էր զորահավաքի ավարտի մասին, սակայն նախագահ Վլադիմիր Պուտինը համապատասխան հրամանագիրը չստորագրեց։ Իշխանությունները պնդում են, որ զորակոչի երկրորդ ալիք չի նախատեսվում, սակայն իրավապաշտպաններն ու փորձագետները կասկածի տակ են դնում սա։
Տաթև Ֆռանգյան
