30.10.2026 | 19:08
Արծվիկ Մինասյանը և Շուշան Սարգսյանը՝ Մրցակցության պաշտպանության հանձնաժողովի անդամներ
Կրեմլը սկսել է նախագահական ընտրությունների նախապատրաստությունը՝ ելնելով նրանից, որ Պուտինը մասնակցելու է դրանց․ Կոմերսանտ
Քաղաքականություն
13.01.2023 | 15:15
Կրեմլը սկսել է նախագահական ընտրությունների նախապատրաստությունը՝ ելնելով նրանից, որ դրանց մասնակցելու է գործող նախագահ Վլադիմիր Պուտինը։ Այս մասին գրում է ռուսական «Կոմերսանտ»-ը՝ նախագահի աշխատակազմի մի քանի աղբյուրներին հղումով։ Ըստ նրանց՝ վերջերս նախագահի աշխատակազմի ներկայացուցիչները համապատասխան խորհրդակցություններ են անցկացրել փորձագիտական հանրության հետ։
Նախագահական ընտրություններին, որոնք պետք է պաշտոնապես նշանակվեն մինչև 2023 թվականի ավարտը, կնախորդեն տարածաշրջանային ընտրությունները սեպտեմբերին։
Հրապարակման աղբյուրները նշում են, որ նախընտրական քարոզարշավները շրջաններում «կանցկացվեն հատուկ ռազմական գործողության, պատժամիջոցների, միջազգային հարաբերությունների էսկալացիայի պայմաններում»։ Նույն օրակարգը կշարունակվի նաև նախագահական ընտրությունների համար, կարծում է պարբերականի զրուցակիցներից մեկը։
«Կոմերսանտ»-ի հրապարակման համաձայն՝ Պուտինի առաջիկա նախընտրական քարոզարշավը դեռ չունի «գաղափարական բաղադրիչի հստակ ուրվագծեր», թեև ենթադրվում է, որ «այն կհիմնվի միասնության թեմայի վրա»։
Տաթև Ֆռանգյան
