16.01.2026 | 21:28
Կատարի դեսպանն իր հավատարմագրերն է հանձնել ՀՀ նախագահին
ԱՄՀ-ն չի նախատեսում ևս մեկ անգամ նվազեցնել 2023 թվականի համաշխարհային տնտեսական աճի կանխատեսումը
Քաղաքականություն
13.01.2023 | 13:42
Չնայած այն հանգամանքին, որ համաշխարհային տնտեսության դժվարին շրջանը շարունակվում է, Արժույթի միջազգային հիմնադրամը (ԱՄՀ) չի նախատեսում ևս մեկ անգամ նվազեցնել 2023 թվականի համաշխարհային տնտեսական աճի կանխատեսումը, որը ներկայում կազմում է 2,7 տոկոս։ Այս մասին Վաշինգտոնում հայտարարել է Հիմնադրամի գործադիր տնօրեն Քրիստալինա Գեորգիևան, գրում է DW-ի ռուսական ծառայությունը։
Նրա խոսքով՝ 2023 թվականը ևս մեկ ծանր տարի է լինելու համաշխարհային տնտեսության համար, և գնաճը հնարավոր չի լինի հաղթահարել, սակայն, եթե չնախատեսված իրադարձություններ չլինեն, կանխատեսումները վատթարացնելու կարիք չի լինի։
ԱՄՀ ղեկավարն ընդգծել է, որ ներկայիս աշխարհն ավելի հակված է ճգնաժամերի, և համաշխարհային հանրությունը պետք է պատրաստ լինի ամենաանսպասելի ռիսկերին, մասնավորապես՝ կլիմայական աղետներին, հզոր կիբերհարձակումներին կամ Ռուսաստանի պատերազմի սրմանն Ուկրաինայում, օրինակ՝ կապված միջուկային զենքի հնարավոր կիրառման հետ։
Տաթև Ֆռանգյան
