15.12.2024 | 14:24
Սոթքում 2022-ի ռազմական ագրեսիայից հետո բնակիչներին են հանձնվել նորակառույցների բանալիները. ՏԵՍԱՆՅՈՒԹ
Ալեքսեյ Նավալնիի առողջական վիճակը կայունացել է
Քաղաքականություն
13.01.2023 | 11:17
Անազատության մեջ գտնվող ռուս ընդդիմադիր գործիչ Ալեքսեյ Նավալնիի առողջական վիճակը կայունացել է․ նրան սկսել են հակաբիոտիկներ և օրական հավելյալ երկու բաժակ եռացրած ջուր տալ։ Այս մասին Թվիթերում հայտնել է նրա փաստաբան Վադիմ Կոբզևը, գրում է DW-ի ռուսական ծառայությունը։
Փաստաբանի խոսքով՝ Նավալնիի վիճակը հունվարի 9-ին վատթարացել էր շնչառական վարակի պատճառով։ Նավալնին հիվանդությունը տարել է բառացիորեն ոտքի վրա՝ պատժախցում։ Բացի այդ, նրան հրաժարվել են ուղարկել բուժմաս։
Հունվարի 10-ին տարածվել էր ռուս բժիշկների բաց կոչը նախագահ Պուտինին, որի տակ մի քանի օրում ստորագրել էր ավելի քան 600 մասնագետ։ Նրանք պահանջում էին «դադարեցնել ահաբեկել» Նավալնիին, թույլ տալ քաղաքացիական բժիշկներին այցելել նրան և անհրաժեշտության դեպքում ուղարկել քաղաքացիական հիվանդանոց՝ լիարժեք բուժման համար։ Ըստ Կոբզևի՝ հենց բժիշկների կոչն է որոշակի ազդեցություն ունեցել Նավալնիի պահման պայմանների որոշակի բարելավման հարցում։
