16.05.2026 | 12:36
Գագիկ Ծառուկյանի քարոզարշավը՝ ՈՒՂԻՂ
Ադրբեջանը ռազմական սադրանքի է դրդում. Փաշինյանի կոչը Արցախին դրանից խուսափելու նպատակով է․ Արմեն Պետրոսյան․ ՏԵՍԱՆՅՈւԹ
Քաղաքականություն
12.01.2023 | 20:17
Վարչապետ Նիկոլ Փաշինյանն Արցախի շրջափակման 32-րդ օրը հայտարարելով, որ միջանցք փակելու նպատակն Ադրբեջանի կողմից ռազմական սադրանք հրահրելն է, պնդում է նաև, որ ԼՂ-ի և Ադրբեջանի միջև պետք է սկսվի քաղաքական խոսակցություն․ «ԼՂ-ի մեր գործընկերները պետք է հնարավորություն չտան, որ որևէ մեկն իրենց մեղադրի կառուցողական խոսակցությունը խափանելու մեջ»:
Ինչո՞ւ է Փաշինյանն անում այս հայտարարությունը․ միջազգային որևէ գործիք Ադրբեջանի վրա օգուտ չտվեց, այդ պատճառո՞վ է ուղղորդում խոսակցության։
«Ես կարծում եմ, որ ՀՀ-ից կոչը Արցախին զուգահեռ է Հայաստանի դիրքավորմանը։ Դա նոր դիրքավորում ընդունելու կոչ է։ Եթե նկատում եք՝ ամբողջ ուղերձը և նպատակը հնարավոր էսկալացիայից խուսափելն է, որին փորձում է դրդել Ադրբեջանը՝ և՛ ՀՀ-ին, և՛ ԼՂ-ին։ Դրանից խուսափելուն է միտված եղել Հայաստանի քաղաքականությունն ընդհանրապես՝ հետպատերազմյան շրջանում՝ 2022-ի փետրվարից սկսած։ Այս ուղեգիծն է, որ հնարավորություն չընձեռնվի Ադրբեջանին իրավիճակը ռազմական տեսանկյունից սրել՝ գուցե նաև հաշվի առնելով մեր դիմադրողունակությունը, ռազմական ներուժը»,- Factor TV-ին տված հարցազրույցում ասում է արևելագետ Արմեն Պետրոսյանը։
Նրա գնահատմամբ՝ Լաչինի միջանցքի փակումով սկսված ճգնաժամը ցույց տվեց, որ միջազգային հանրությունն առարկայական քայլերի չգնաց։ Ըստ փորձագետի՝ աշխարհի վերաբերմունքն Արցախին նույնն է, ինչ 44-օրյա պատերազմում։
Հարցազրույցն ամբողջությամբ՝ տեսանյութում։
Ռոբերտ Անանյան
