31.05.2026 | 10:11
NBA-ի գործող չեմպիոնը դուրս է եկել եզրափակիչ․ ՏԵՍԱՆՅՈՒԹ
Փաշինյանը կոչ է անում փակուղային հայտարարություններ չանել, Վարդանյանը չի քննադատում խաղաղապահներին․ ՏԵՍԱՆՅՈւԹ
Քաղաքականություն
12.01.2023 | 19:50
Լեռնային Ղարաբաղի և Ադրբեջանի միջև պետք է սկսվի քաղաքական խոսակցություն։ Լաչինի միջանցքի փակման 32-րդ օրը Կառավարության նիստում նման հայտարարություն արեց վարչապետ Նիկոլ Փաշինյանը՝ շեշտելով, թե Լեռնային Ղարաբաղի գործընկերները պետք է հնարավորություն չտան, որ որևէ մեկն իրենց մեղադրի կառուցողական խոսակցությունը խափանելու կամ նման խոսակցությունն անհնար դարձնելու համար:
Փաշինյանն ընդգծեց՝ Լաչինի միջանցքի փակումը սադրանք է, որի վերջնական նպատակը նոր ռազմական էսկալացիան է, և չպետք է իրականացնել քայլեր, որոնք ցանկալի են ռազմական էսկալացիայի սցենարը մշակողների համար:
Արցախի Անվտանգության խորհրդի երեկվա հայտարարությունից հետո, որով Արցախի իշխանությունը, ըստ էության, դժգոհեց Նիկոլ Փաշինյանի վերջին ասուլիսում արված հայտարարությունից, այսօր Ստեփանակերտ-Երևան հեռուստակամուրջի ժամանակ պետնախարար Ռուբեն Վարդանյանը հայտարարեց՝ Արցախը կողմ է այնպիսի քաղաքական երկխոսության, ինչպիսին կարող է լինել հարևանների միջև, սակայն Ադրբեջանը հրաժարվում է։
Ինչ վերաբերում է ռուս խաղաղապահների գործունեության արդյունավետությանը, Վարդանյանը շեշտեց՝ չի պատրաստվում քննադատել ռուս խաղաղապահներին։
Այդուհանդերձ, Ռուբեն Վարդանյանը շեշտեց՝ Ռուսաստանից ակնկալիքներն առավել մեծ են։
Մանրամասները՝ տեսանյութում։
Շողիկ Գալստյան
