27.06.2026 | 18:27
Կոշտ քաղաքական խոսույթը ատելության խոսք չէ ու չի կարող արդյունքներն անվավեր ճանաչելու հիմք լինել. Սրբուհի Գալյան․ ՏԵՍԱՆՅՈւԹ
Վրաստանում երրորդն օրն է` փոթորիկ է մոլեգնում․ հազարավոր մարդիկ մնացել են առանց էլեկտրականության
Քաղաքականություն
12.01.2023 | 18:30
Վրաստանի արևմուտքում փրկարարներն արդեն երրորդ օրն է՝ աշխատում են արտակարգ ռեժիմով։ Այստեղ ուժեղ քամին արմատախիլ է արել ծառեր, քշել տների տանիքներ, վնասել էլեկտրասյուներ, գրում է Նովոստի Գրուզիան։
Իմերեթիի շրջանում միայն անցած գիշեր վնասվել է 69 շենք և 10 ավտոմեքենա, հայտնել է նահանգապետ Զվիադ Շալամբերիձեն։
Որոշ բնակավայրերում ընդհատվել է էլեկտրաէներգիայի, գազի և ջրի մատակարարումը, ինչից տուժել է մոտ երեք հազար մարդ։
Վանիում երկու մարդ տուժել է ծառն ընկնելու հետևանքով։ Իրավիճակը բարդ է նաև սևծովյան ափերին՝ Փոթիի շրջանում։ Քաղաքապետ Բեքա Վաչարաձեն հայտնել է, որ մի քանի տասնյակ տների, պետական հիմնարկությունների ու դպրոցներից մեկի տանիքներն են վնասվել։ Քաղաքապետարանի աշխատակիցներից մեկը վիրավորվել է, նա բազմաթիվ կոտրվածքներով հոսպիտալացվել է։ Քաղաքի մի մասը հոսանքազրկված է, քանի որ վնասված են էլեկտրասյուները։
Քութայիսիի և Փոթիի վարչակազմը բնակիչներին խնդրում է հնարավորության դեպքում մնալ տանը՝ մինչև քամին դադարի։
Համանման իրավիճակ է նաև Զուգդիդիում և Սենակիում։
Տաթև Ֆռանգյան
