Եռակի լավագույնը. Ամերիաբանկն ամփոփել է կորպորատիվ սոցիալական պատասխանատվության և բարեգործական ծրագրերը. ՏԵՍԱՆՅՈւԹ

Ամերիաբանկն ամփոփել է կորպորատիվ սոցիալական պատասխանատվության և բարեգործական ծրագրերը։ Ծրագրի մասնակիցներից մեկը Ներքին Հանդի բնակիչ Մհերն է։

«Ներքին Հանդում ապրող ու աշխարհը բացահայտելու ձգտում ունեցող Մհերը մեկն է այն երեխաներից ու երիտասարդներից, ում հաջողության պատմությունը սկսվելու է հնարավորությունից, որը թևեր է տալու, ոգևորելու է, օգնելու է հավատալ իր երազանքին։ Յուրաքանչյուր նախագիծ իրականացնելիս մենք առաջին հերթին տեսնում ենք մարդկանց, լսում նրանց պատմությունները, ոգևորվում լավ գաղափարներով, համախմբվում դրանց շուրջ ու միասին ստեղծում հնարավորություններ: Մենք ուզում ենք, որ դուք էլ մեր ԿՍՊ գործունեության ամեն ցուցանիշի հետևում տեսնեք մարդկանց, նրանց երազանքները, զգաք նրանց ոգևորությունն ու ձգտումները և միանաք մեր` մարդկանց կյանքի որակը բարելավելու առաքելությանը։ Լավագույն ուղին հնարավորությունն է: Լավագույն հնարավորությունը ստեղծում են մարդիկ»,- ասված է Ամերիաբանկի ամփոփման մեջ:

Ավելի վաղ Ամերիաբանկը միջազգային առաջատար երեք ամսագրերի` Global Finance-ի, Euromoney-ի և The Banker-ի կողմից ճանաչվել էր տարվա «Լավագույն բանկը» Հայաստանում: Այս առթիվ Բանկը մեկնարկել էր «Եռակի լավագույնը» արշավը`«Լավագույն հնարավորությունը ստեղծում են մարդիկ» կարգախոսով: Այն նվիրված է վերջին տարիներին Բանկի ձեռքբերումների հետևում կանգնած բոլոր մարդկանց` հաճախորդներից ու գործընկերներից մինչև աշխատակիցներ: