12.04.2026 | 20:50
Կառավարության առաջիկա հինգ առաջնահերթություններից մեկը լինելու է ջրի խնդրի լուծումը․ Փաշինյան
ՀՀ իշխանություններն ասում են` այսքանը կարող ենք անել. Ռուբեն Վարդանյան․ ՏԵՍԱՆՅՈՒԹ
Քաղաքականություն
12.01.2023 | 15:11
«Մենք ունենք մի քանի լուրջ լուրջ խնդիրներ․ մարդիկ, որոնք ապրում են Հայաստանում, հարյուր տոկոսով չեն հասկանում, թե ինչ է նշանակում բլոկադա և դրա բերած դժվարությունները։ Այդ ամենը հանրությանը ճիշտ ներկայացնելը շատ կարևոր է»,- այս մասին այսօր «Մեկ ամիս շրջափակման մեջ. հումանիտար ճգնաժամ» տեսակամուրջի ընթացքում նշեց Արցախի պետնախարար Ռուբեն Վարդանյանը՝ անդրադառնալով իր երեկվա հայտարարությանը, թե Հայաստանն Արցախում տեղի ունեցողին չի արձագանքում սպասվածին համարժեք։
Վարդանյանի խոսքով՝ Հայաստանում մոտավորապես 400 հազար հոգի կա, որ Արցախի արմատներ ունի, և հույս կար, որ այդ մարդիկ անհանգիստ են ստեղծված վիճակով։
«Սակայն, Երևանում տեղակայված դեսպանատների մոտ ակցիաները ցույց տվեցին, որ քիչ հետաքրքրություն կա։ Այժմ, երբ 120 հազար մարդ այս վիճակում է, պետական մարմինների արձագանքն ավելի մեծ պիտի լիներ․ արցախցու ձայնը լսելի դարձնելու համար լուրջ քայլեր են պետք»,- նշեց նա։
Անդրադառնալով հարցին, թե ինչ է սպասում ՀՀ իշխանությունից, Վարդանյանը պատասխանեց, որ Հայաստանի իշխանությունը ֆինանսական ու իրավական աջակցություն ցուցաբերում է, ինչի համար իրենք շնորհակալ են։ «Այս վիճակում մենք ավելի շատ ուղղություններով օգնության կարիք ունենք, բայց Հայաստանի իշխանություններն ասում են, որ այդքանը կարող են անել»։
Մանրամասները՝ տեսանյութում։
