08.06.2026 | 12:34
Որ ուժը որքան ձայն է ստացել. ԿԸՀ նախագահը ներկայացնում է նախնական արդյունքները․ ՏԵՍԱՆՅՈՒԹ
Բելառուսում ձերբակալել են նախագահի նախկին թեկնածու, ընդդիմադիր Անդրեյ Դմիտրիևին
Քաղաքականություն
12.01.2023 | 16:23
Մինսկում կալանավորվել է 2020 թվականի ընտրություններում Բելառուսի նախագահի թեկնածու Անդրեյ Դմիտրիևը, գրում է DW-ի ռուսական ծառայությունը։
Ըստ «Զերկալո» պարբերականի և «Գարուն» իրավապաշտպան կենտրոնի՝ քաղաքական գործիչը գտնվում է Ակրեսցին փողոցում գտնվող Մինսկի ժամանակավոր պահման խցում։ Նրան բերման ենթարկելու պատճառն անհայտ է։
Անդրեյ Դմիտրիևը «Ասա՛ ճշմարտությունը» հասարակական շարժման նախկին համանախագահն է եղել։ Այն ստեղծվել է 2010 թվականին։ Կազմակերպության առաջին ղեկավարն է եղել բելառուս բանաստեղծ Վլադիմիր Նեկլյաևը, որը որպես թեկնածու առաջադրվել էր 2010 թվականի նախագահական ընտրություններում։
2020 թվականի ընտրություններում Անդրեյ Դմիտրիևը դարձել է Բելառուսի գործող ղեկավար Ալեքսանդր Լուկաշենկոյի չորս գրանցված հակառակորդներից մեկը։ Երկրի ԿԸՀ-ի տվյալներով՝ նա հավաքել է ձայների 1,21%-ը։ Նախընտրական քարոզարշավի ընթացքում քաղաքական գործիչը հանդես է եկել ի պաշտպանություն Սերգեյ Տիխանովսկու, Վիկտոր Բաբարիկոյի և Վալերի Ցեպկալայի, որոնց թույլ չեն տվել մասնակցել ընտրություններին։
Տաթև Ֆռանգյան
