25.11.2024 | 15:36
ՃՏՊ Աշտարակ-Ապարան ավտոճանապարհին. կան տուժածներ
Բելառուսը հայտարարել է ՌԴ-ի հետ ՀՕՊ միացյալ ուժերի հզորացման մասին
Քաղաքականություն
12.01.2023 | 15:31
Բելառուսի Պաշտպանության նախարարությունը հայտարարել է ռուս-բելառուսական հակաօդային պաշտպանության (ՀՕՊ) միացյալ ուժերի հզորացման և նշանակված դիրքերում նոր զենիթահրթիռային ստորաբաժանումների առաջխաղացման մասին, գրում է VOA-ն։
«Զենիթահրթիռային ստորաբաժանումներն առաջ են անցել նշանակված տարածքներ և ստանձնել մարտական հերթապահություն»,- ասվում է նախարարության հակիրճ հայտարարության մեջ։
Հրապարակման համաձայն՝ Բելառուսը Ռուսաստանի մերձավոր դաշնակիցն է. Մինսկը նախագահ Վլադիմիր Պուտինին թույլ է տվել փետրվարի 24-ին օգտագործել Բելառուսի տարածքը որպես ցատկահարթակ Ուկրաինա ներխուժելու համար։
Երկու երկրները նախատեսում են համատեղ օդային զորավարժություններ անցկացնել հունվարի երկրորդ կեսին՝ երկուշաբթի օրվանից։
Ուկրաինան բազմիցս զգուշացրել է, որ Պուտինը կարող է փորձել օգտագործել Բելառուսին՝ հյուսիսից կրկին Ուկրաինա ներխուժելու համար, ինչը նոր մեծ ճակատ կբացի պատերազմի մեջ:
Տաթև Ֆռանագյան
