08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ուկրաինայում պատերազմին մասնակցած ռուս զինվորականներն առաջադրվելու են ընտրություններում
Քաղաքականություն
12.01.2023 | 17:06
Ռուս զինվորականները, որոնք կռվել են Ուկրաինայում, առաջադրելու են 2023 թվականի ընտրություններում։ Այս մասին հայտնում է «Վեդոմոստին»՝ վկայակոչելով Կրեմլին մոտ կանգնած աղբյուրներին, փոխանցում է BBC-ի ռուսական ծառայությունը։
«Այդ մարդիկ իրենց դրսևորել են որպես հայրենասերներ, ուստի եթե նրանցից որևէ մեկը ցանկանում է քաղաքական կարիերա անել, ապա նրանք ունեն այդ հնարավորությունը»,- ասել է լրատվամիջոցի զրուցակիցներից մեկը։
Մեկ այլ աղբյուր էլ ասել է․ «Դա բոլորին ձեռնտու է՝ ունենալ նման մարդկանց թիմում, քանի որ հասարակության մեջ կա դրա պահանջը»։
«Պատահական չէ, որ պատգամավորներից ոմանք որպես կամավոր գնացել են նոր տարածքներ»,- իր հերթին նշել է Պետդումային մոտ կանգնած աղբյուրը։
Որպես կամավոր պատերազմ գնալուց հետո պատգամավորները կարող են վերադառնել «վետերանի» կարգավիճակում ու մտնել քաղաքական արշավի մեջ։
«Եդինայա Ռոսիա»-ի գլխավոր խորհրդի քարտուղար Անդրեյ Տուրչակը Տելեգրամի իր ալիքում գրել է, որ պատգամավորներն արդեն մարտական ստորաբաժանման անդամներ են։
Էմմա Չոբանյան
