09.10.2026 | 12:35
Լուկաշենկոն հույս ունի, որ Հայաստանը 2029 թվականին կստանձնի ԱՊՀ նախագահությունը
Բրազիլիայի մայրաքաղաքում անկարգություններից հետո շուրջ 2000 մարդ է ձերբակալվել
Քաղաքականություն
12.01.2023 | 14:30
Բրազիլիայի մայրաքաղաքում տեղի ունեցած անկարգություններից հետո, որոնց մասնակցել են երկրի նախկին նախագահ Ժաիր Բոլսոնարոյի կողմնակիցները, Դաշնային ոստիկանությունը բերման է ենթարկել 1843 մարդու։ Այս մասին հայտնել է երկրի իրավապահ մարմինների մամուլի ծառայությունը, գրում է Regnum-ը։
«Ընդհանուր առմամբ, Դաշնային ռազմական ոստիկանության կողմից ազգային ոստիկանական ակադեմիա է տեղափոխվել 1843 մարդ»,- ասվում է զեկույցում։
Նշվում է, որ բոլոր ձերբակալվածները պատասխանատվության կենթարկվեն հանցավոր արարքների համար, որոնք կապված են «ահաբեկչության, հանցավոր դավադրության, օրենքի գերակայության խախտման, ժողովրդավարական պետության տապալման, պետական հեղաշրջման փորձի հետ և այլն»։
Բացի այդ, նշվում է նաև, որ այս պահին 1159 անձ արդեն «որակավորվել, հարցաքննվել, ձերբակալվել» և տեղափոխվել է Բրազիլիայի ոստիկանություն՝ բժշկական զննության և ուղղիչ համակարգում բաշխման համար։
Հիշեցնենք, որ Բոլսոնարոյի կողմնակիցները, որոնք անցած տարվա վերջից բողոքում էին նախագահական ընտրությունների արդյունքների դեմ, հունվարի 8-ին գրավել են Կոնգրեսի շենքը, ներխուժել նախագահական նստավայրի՝ Պլանալտո պալատի տարածք, ինչպես նաև մտել Գերագույն դատարանի շենք: Ոստիկաններին հաջողվել է ցուցարարներից մաքրել կառավարության շենքերը միայն երեկոյան։
Տաթև Ֆռանգյան
