10.01.2025 | 23:14
ՊԵԿ նախագահն ընդունել է Հնդկաստանի դեսպանին
2022-ին թոշակները բարձրացրել ենք 6400 դրամով. Նիկոլ Փաշինյան․ ՏԵՍԱՆՅՈՒԹ
Հասարակություն
12.01.2023 | 12:12
Կենսաթոշակառուներին և նպաստառուներին անկանխիկ առևտրի դեպքում հետվճարի համակարգը բարեհաջող զարգանում է: Այս մասին այսօր Կառավարության նիստում ասաց ՀՀ վարչապետ Նիկոլ Փաշինյանը:
«2022 թվականի հունիսին կենսաթոշակառուների և նպաստառուների կողմից անկանխիկ առևտրի կամ գործարքների գրեթե զրոյական շրջանառություն ունեինք: Արդեն հուլիսին 524 միլիոն դրամի շրջանառություն է արձանագրվել, օգոստոսին՝ 846 միլիոն, սեպտեմբերին՝ 1 միլիարդ 412 միլիոն, հոկտեմբերին՝ 1 միլիարդ 838 միլիոն, նոյեմբերին՝ 2 միլիարդ 231 միլիոն, դեկտեմբերին՝ 2 միլիարդ 742 միլիոն դրամի շրջանառություն:
Ըստ այդմ՝ հուլիսից մինչև այսօր 800 միլիոն դրամ վերադարձվել է քաղաքացիներին»,- նշեց Փաշինյանը՝ հավելելով՝ դեկտեմբերին հետվճար վերադարձվել է 67 հազար քաղաքացու, հետվճարի միջին չափը կազմել է 3401 դրամ, բացի դրանից՝ 2022-ին կենսաթոշակները բարձրացրել ենք 3000 դրամով, այսինքն՝ կենսաթոշակներն ավելացել են 6400 դրամով։
Մանրամասները՝ տեսանյութում։
