20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ալիևն Իտալիայի ՊՆ ղեկավարի հետ ռազմական համագործակցության հարցեր է քննարկել
Քաղաքականություն
12.01.2023 | 13:30
Ադրբեջանի նախագահ Իլհամ Ալիևն ընդունել է Իտալիայի պաշտպանության նախարար Գուիդո Կրոզետտոյին, գրում են ադրբեջանական լրատվականները։
Ալիևը «վստահություն է հայտնել, որ Իտալիայի նոր կառավարության և Ադրբեջանի միջև համագործակցությունը հաջողությամբ կզարգանա»։ Նա նաև բարձր է գնահատել Իտալիայի ներդրումը ՆԱՏՕ-Ադրբեջան ու ԵՄ-Ադրբեջան կապերի զարգացման գործում և նշել, որ Բաքվի ու Հռոմի համագործակցությունը հաջողությամբ ընթանում է տարբեր ոլորտներում, այդ թվում՝ էներգետիկ։
Իր հերթին Կրոզետտոն ասել է, որ մինչ Ադրբեջան այցը Իտալիայի վարչապետ Ջորջա Մելոնին հանդիպել է իր հետ ու ընդգծել, որ Իտալիայի պաշտպանության նախարարի այցը վկայում է այն մասին, որ կառավարությունը վճռական է Բաքվի հետ համագործակցության հետագա ընդլայնման հարցում։
Հանդիպման ընթացքում նշվել է, որ կողմերը լավ հեռանկարներ ունեն էներգետիկայի, շինարարության, զբոսաշրջության, գյուղատնտեսության, պաշտպանական արդյունաբերության և այլն ոլորտներում կապերի ընդլայնման համար։
Հավելենք, որ Իտալիան և Ադրբեջանը բավական սերտ համագործակցում են պաշտպանության ոլորտում։ Մասնավորապես, Ադրբեջանի ՊՆ-ն պայմանագիր է կնքել իտալական ուսումնամարտական Leonardo M-346 Master ինքնաթիռների գնման վերաբերյալ։
Էմմա Չոբանյան
