11.04.2026 | 22:24
Այցելել եմ երեկվա ողբերգական վթարից տուժած փոքրիկներին․ Ավանեսյան
Ռայիսին Պուտինի հետ քննարկել է տարածաշրջանային հարցեր
Քաղաքականություն
12.01.2023 | 11:33
ՌԴ նախագահ Վլադիմիր Պուտինն ու Իրանի նախագահ Էբրահիմ Ռայիսին երեկ հեռախոսազրույց են ունեցել, հայտնում է Mehr գործակալությունը։ Ըստ հաղորդագրության՝ Պուտինը և Ռայսին կողմ են արտահայտվել էներգետիկ, տրանսպորտային և լոգիստիկայի ոլորտներում փոխշահավետ նախագծերի հետևողական իրականացմանը։ Երկու նախագահները նաև պատրաստակամություն են հայտնել համագործակցել Սիրիայում իրավիճակի կարգավորման և դրա տարածքային ամբողջականության վերականգնման գործում։
Զրույցի ժամանակ Ռայիսին նաև ընդգծել է, որ միայն համագործակցության և համակարգման միջոցով կարող են լուծվել տարածաշրջանային խնդիրները, այդ թվում՝ Կովկասի և Սիրիայի խնդիրները, և հայտարարել է, որ Իրանի Իսլամական Հանրապետությունը մշտապես կարևորում է տարածաշրջանային ինտեգրացիայի ամրապնդումը և դատապարտում է արտաքին միջամտությունը տարածաշրջանային հարցերում։
Կրեմլի պաշտոնական կայքէջում հեռախոսազրույցի մասին ասվում է, որ «քննարկվել են ռուս-իրանական օրակարգի արդի հարցերը՝ շեշտը դնելով երկկողմ համագործակցության ողջ շրջանակի հետագա զարգացման վրա։ Մասնավորապես, նախագահները կողմ են արտահայտվել էներգետիկայի, տրանսպորտի և լոգիստիկայի ոլորտներում փոխշահավետ նախագծերի հետևողական իրականացմանը»։
Տաթև Ֆռանգյան
