14.12.2024 | 13:33
Առողջության համապարփակ ապահովագրությունը ներդրվելու է․ Անահիտ Ավանեսյան
Amnesty International-ն Ադրբեջանին կոչ է արել վերջ դնել Լաչինի միջանցքի արգելափակմանը
Հասարակություն
12.01.2023 | 10:15
Ադրբեջանը պետք է դադարեցնի Լաչինի միջանցքի արգելափակումը: Նման հայտարարություն է արել Amnesty International-ը թվիթերի իր պաշտոնական էջում:
«Ադրբեջանը պետք է դադարեցնի Լաչինի միջանցքի արգելափակումը, որը Լեռնային Ղարաբաղի բնակիչներին թողել է առանց առաջին անհրաժեշտության ապրանքների և ծառայությունների հասանելիության։ Պետք է ապահովվի դրանից տուժած մարդկանց ազատ տեղաշարժը և տնտեսական ու սոցիալական իրավունքների պաշտպանությունը», – գրել է Amnesty International-ի մամուլի ծառայությունը:
Ադրբեջանը 2022 թ.-ի դեկտեմբերի 12-ից փակ է պահում Արցախը Հայաստանին ու արտաքին աշխարհին կապող միակ ճանապարհը՝ Լաչինի միջանցքը: Ճանապարհի փակ լինելու պատճառով Հայաստանից Արցախ չի կարողացել վերադառնալ 1100 մարդ, որոնց թվում՝ 270 երեխա: Խախտված են անձանց ազատ տեղաշարժի, նվազագույն կենսամակարդակի ապահովման, բժշկական խնամք ստանալու, կրթության և այլ իրավունքներ։
