14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Էրդողանը հայտարարել է, որ աջակցում է Ուկրաինայում հումանիտար միջանցքի ստեղծմանը՝ վիրավորներին տարհանելու համար
Քաղաքականություն
11.01.2023 | 21:24
Թուրքիայի նախագահ Ռեջեփ Թայիփ Էրդողանը հայտարարել է, որ սատարում է Ուկրաինայի և այլ շրջանների մարտական գոտուց վիրավորներին դուրս բերելու համար մարդասիրական միջանցքների կազմակերպման գաղափարը։ Այս մասին նա հայտարարել է՝ ելույթ ունենալով Անկարայում կայացած «Մարդու իրավունքների ապագան 21-րդ դարում» օմբուդսմենների միջազգային համաժողովում, գրում է ՏԱՍՍ-ը։
«Թուրքիայի մարդու իրավունքների պաշտպան Շերեֆ Մալքոչը հանդես է եկել վիրավորների դուրսբերման համար մարդասիրական միջանցքներ կազմակերպելու նախաձեռնությամբ, և մենք աջակցում ենք։ Դա, սակայն, ոչ միայն ՌԴ-ի և Ուկրաինայի միջև իրավիճակի համատեքստում, այլև Սիրիայում, Լիբիայում, Ադրբեջանում տեղի ունեցող իրադարձությունների հետ կապված։ Մենք այնտեղից ընդունում ենք վիրավորներին, բուժում նրանց մեր հիվանդանոցներում և հետ ենք ուղարկում»,- ասել է Էրդողանը։
Հավելենք, որ Թուրքիայում տեղի է ունեցել ՌԴ-ի և Ուկրաինայի մարդու իրավունքների պաշտպանների հանդիպումը։
Էմմա Չոբանյան
