14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Քաբուլում մահապարտը պայթեցրել է իրեն ԱԳՆ շենքի մոտ՝ մի քանի տասնյակ մարդկանց կյանք խլելով
Քաղաքականություն
11.01.2023 | 19:08
Աֆղանստանի մայրաքաղաք Քաբուլում այսօր մահապարտ-ահաբեկիչը պայթեցրել է իրեն երկրի ԱԳ նախարարության շենքի մոտ, ինչի հետևանքով զոհվել է ավելի քան 20 մարդ։ Այս մասին հայտնում են համաշխարհային լրատվամիջոցները։
«Ես չգիտեմ, թե նրանցից քանիսն են զոհվել կամ վիրավորվել։ Ես տեսա, որ այդ մարդը պայթեցրեց իրեն»,- AFP-ին պատմել է ականատեսներից Ջամշեդ Քարիմին:
Դեպքի վայրում գտնվող թալիբների վարչապետի գրասենյակի ղեկավարի տեղակալ Ահմադուլլահ Մութաքին ասել է, որ մահապարտ-ահաբեկիչը փորձել է մտնել նախարարություն, սակայն անվտանգության աշխատակիցները նրան նկատել են շենքի մուտքի մոտ, որտեղ էլ վերջինը պայթեցրել է իրեն։
Քաբուլի անվտանգության ծառայության խոսնակ Խալիդ Զադրանը Թվիթերում գրել է, որ դեպքի վայր են ժամանել անվտանգության ուժերը։ Պայթյունի վայրից սոցիալական ցանցերում հրապարակված լուսանկարներում երևում են փողոցում գտնվող մահացածների մարմինները:
Առայժմ ոչ մի խմբավորում չի ստանձնել պայթյունի պատասխանատվությունը։ Նախկինում հարձակումների մեծ մասի պատասխանատվությունը ստանձնում էր ԻԼԻՊ-ը։
Տաթև Ֆռանգյան
